Целиот визуелен дизајн започнува со графички дизајн. Едноставно кажано, тоа е уметност на одлучување како треба да изгледаат работите. Графичките дизајнери избираат бои и фонтови, како и распоредуваат елементи, слики, блокови на текст и сл.

Графичкиот дизајн претставува визуелна комуникација, уметност која има конкретна задача и цел. Програмата на оваа Академија е конкретна, практична и ориентирана кон уметноста и техниката. 

Што вклучува оваа Академија:

• Основите и принципите на графичкиот дизајн
• Најбараните програми за графички дизајн Adobe Photoshop и Adobe Illustrator
• UX/UI дизајн 
• HTML и CSS

Академијата вклучува изучување на најкористените програми за графички дизајн Adobe Photoshop и Adobe Illustrator, и тоа преку практични примери и изработка на многу слики, постери, визит картички, плакати, менија, постери, како и работа на реални проекти за клиенти.

Воедно, Академијата вклучува изучување на UX/UI дизајн што претставува:

UX (User Experience)
Дизајнот на корисничкото искуство (UX) е процес на примена на пристап кон дизајн фокусиран на корисникот за разбирање и задоволување на неговите потребите. Целта е да се направат производи кои се функционални, достапни и лесни за употреба.
UX дизајнот се разликува и од дизајн на интерфејс и од графичкиот дизајн по тоа што се фокусира на логиката и структурата на елементите што всушност ги гледа и со кои комуницира корисникот. UX дизајнерот е во тесна соработка со сите засегнати страни, дизајнери на кориснички интерфејси и програмери и вообичаено доставуваат wireframes, прототипови, мапи на сајтови до тимот на UI дизајнери.

UI (User interface design)
Дизајот на кориснички интерфејс (UI) конкретно се фокусира на визуелниот дизајн на интерактивни елементи како што се паѓачките менија, контакт форми, елементите што може да се кликаат, анимации, копчиња и другите визуелни елементи со кои корисникот комуницира додека користи определена веб-локација или апликација. UX се однесува на целата интеракција што корисникот ја има со некој производ. Дизајнерот на интерфејс е лице кое ги направи апликациите и веб-локациите и визуелно привлечни и лесни за употреба. UI дизајнерот е во тесна соработка со програмерите со цел конвертирање на дизајнот во работен производ (веб страна / софтверска апликација).

UI и UX дизајнерите играат клучна улога во животниот циклус на развој на производот.

Воедно, во оваа Академија е вклучено изучување на HTML и CSS бидејќи со познавање на овие технологии UX/UI дизајнерот ќе биде поконкурентен на пазарот на труд и полесно ќе ги совладува предизвиците од оваа работна позиција.